EN IOANES A KISIN LIKAU KASILU.
3 John
1IET nai me laud o ranamau won Kaius kompok, me i kin pokopoke melel. 2Kompoke pa i, i kin men, koe en pwaida o roson ni wiawia karos duen nen om me pwaida. 3Pwe i peren kida kaualap, ri atail oko lao pwarado, katitiki on ia duen om melel o duen om kin alialu wei ta ni melel. 4Sota ai peren me lapa san met, ni ai ron duen nai seri kan, me kin alu wei ta ni melel. 5Kompoke pa i, me mau, me koe kin wiai on ri atail o pil men kairu kan, 6Me katitiki on momodisou duen om limpok; me mau, ma koe pan sauasa irail, duen me kon on Kot. 7Pweki mar a re kin koko wei ta, sota tunole meakot ren men liki kan. 8I me kitail en sauasa son due met, pwe kitail en wia sauas pan melel. 9Meakot i intinki woner momodisou, a Diotrepes me akasaumas on irail, sota duki on kit. 10Ari, i lao pwara wei, i pan katamanki i a wiawia kan, me a kin wiada, pwe a kin lokaia sued duen kit. A kaidin i eta, pwe pein i sota kin kasamo ri atail ko, ap pil inapwiedi, me kin men apwali ir, o kasapok ir ala san nan momodisou. 11Kompoke pa i, der idauen me sued a me mau. Me kin wia me mau, me san ren Kot, a me kin wia me sued, sota kilaner Kot. 12Demetrius indand ren amen amen o pil ni melel. O kit pil kadededa, a koe asa, me at kadede me melel. 13Kasoi toto me mi re i, me i kak intin won uk, a i sota men intinki ink o men intin. 14A i kaporoporeki, me koren, me i pan kilan uk, kita ap pan kasokasoi pena. 15Popol en mi re om. Kompok kan kin ranamau won uk. Ranamauieki kompok kan mar arail.
Copyright information for
PONPDN